Musliu: Shumica e mediave të Serbisë, të cilat kontrollohen nga Aleksandar Vuçiqi, janë të “varfër” në kreativitet.

11:54 | 12 Dhjetor 2022
Vjollca Gajraku

Eksperti i sigurisë Agim Musliu përmes një shkrimi në facebook ka thënë se shumica e mediave të Serbisë, të cilat kontrollohen nga Aleksandar Vuçiqi, janë të “varfër” në kreativitet.

Sipas Musliut titujt e këtyre gazetave nuk ndryshojnë aspak.

“Mund të ndryshojnë njerëzit të cilët i sulmojnë/targetojnë. Esenca mbetet e njëjtë: KURTI, HARADINAJ, THAÇI, VESELI DUAN LUFTË.

E datat? Datat i vënë varësisht se kush është në Kosovë në pushtet”, ka shkruar Musliu.

Musliu ka thënë se kjo rrjedh nga Memorandumi i Dytë i Akademisë së Shkencave të Serbisë, pjesë të të cilit janë publikuar.

“Njëra nga pikat e e këtij Memorandumi është: “Sulmimi i qeverive të vendeve fqinje (të Serbisë), me moton QEVERI E DOBËT – SHTET I DOBËT!

Pra, shqiptarët ta dinë se, Serbia e lufton cilindo Qeveri të Republikës së Kosovës, sepse e lufton Republikën e Kosovës”, ka shkruar Musliu.

Ja dhe postimi:

Shpërndaje në rrjete sociale

Lajmet më të lexuara

Të ngjashme

Foto lajm